សៀមរាប ៖ ឯកឧត្តម ឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ បានអញ្ជើញជាអធិបតីក្នុងពិធីប្រកាសបើកវគ្គបណ្តុះបណ្តាលស្តីពី «ការប្រយុទ្ធប្រឆាំង ការប្រើប្រាស់ប្រព័ន្ធបច្ចេកវិទ្យា សម្រាប់បម្រើឲ្យសកម្ម ភាពភេរវកម្ម» ។

វគ្គបណ្ដុះបណ្ដាលនេះត្រូវបានរៀបចំឡើង កាលពីថ្ងៃទី១៤ ខែមករា ឆ្នាំ២០១៩ ដោយអគ្គលេខាធិការដ្ឋាននគរបាលអន្តរជាតិ (គម្រោង TRACE) ក្រោមជំនួយបច្ចេកទេសរបស់រដ្ឋាភិបាលកាណាដា និងមានសិក្ខាកាមចូលរួម មកពីបណ្តាប្រទេសជាសមាជិកអាស៊ានសរុបចំនួន២០រូប ដែលប្រព្រឹត្តទៅចាប់ពីថ្ងៃទី ១៤-១៨ ខែមករា ឆ្នាំ២០១៩ នៅខេត្តសៀមរាប ៕